Ylli argjentinas Lionel Messi ka shprehur nostalgjinë e tij për Barcelonën, qytetin ku ka kaluar pjesën më të madhe të jetës dhe karrierës së tij. Në një intervistë për TV3, Messi foli hapur për dëshirën e tij për t’u rikthyer në Barcelonë me familjen e tij, shkruan varkosova.
“Fëmijët e mi janë katalanas. Ende e kemi në mendje një rikthim për të jetuar në Barcelonë. Fëmijët e mi, gruaja ime dhe unë e ndiejmë shumë mungesën e Barcelonës… Kam kaluar shumicën e jetës time atje dhe ndihem nga Barcelona,” tha Messi.
Aktualisht, Messi ka një kontratë me Inter Miami që skadon në vitin 2025. Megjithatë, deklarata e tij ka ngjallur shpresa mes tifozëve të Barcelonës për një rikthim të mundshëm të legjendës në qytetin që e konsideron si shtëpinë e tij.
Pas transferimit në MLS, Messi ka qenë një figurë kyçe për promovimin e futbollit në Shtetet e Bashkuara, por Barcelona mbetet një pjesë e pandashme e jetës dhe karrierës së tij.
varkosova.com do të vazhdojë të ndjekë zhvillimet rreth Messit dhe planeve të tij për të ardhmen.
