Skuadra e Paris Saint-Germainit ka vazhduar pa humbje këtë edicion në Ligue 1.
PSG-ja të premten në mbrëmje e mposhti Toulousen me rezultatin 3:0 në kuadër të xhiros së 12-të.
Joao Neves në minutën e 35-të realizoi për 1:0. Golin e dytë e shënoi Lucas Beraldo në minutën e 85-të. Vitinha në minutën e 91-të realizoi për 3:0.
Parisit iu anulua edhe një gol i Warren Zaire-Emeryt në minutën e 55-të për shkak të pozitës jashtë loje.
Parisi është lider në tabelë me 32 pikë.
Toulouse ka 15 pikë dhe është në vendin e dhjetë.
