Futbollisti i Real Madridit, Vinicius Junior, shkaktoi një skandal të madh në Spanjë pasi publikoi një ‘story’ në Instagram në të cilën shihet duke parë në televizor ndeshjen e klubit të tij në Ligën e Kampionëve ndaj Liverpoolit.

Vinicius Jr aktualisht është i lënduar, kështu që ai nuk udhëtoi për në Liverpool për ndeshjen e Ligës së Kampionëve dhe ka postuar një ‘story’ se si po e shikonte në televizor ndeshjen në Anfield.

Në ekranin e televizorit të tij dukej qartë logoja e TNT Sports nga Brazili dhe kjo shkaktoi reagimin e La Liga-s, e cila dërgoi një ankesë zyrtare në Real Madrid ku thuhej se Vini Jr e ka ndjekur ndeshjen në mënyrë të paligjshme dhe akuzohet për pirateri.

“Gjatë ndeshjes mes Liverpoolit dhe Realit, Vinicius postoi një foto në Instagram ku shihet duke e parë atë dhe logoja e TNT Sports duket në ekran. Kjo është pirateria”.

“Kur dikush shikon ndeshjet e Ligës së Kampionëve në Spanjë, duhet ta bëjë këtë përmes kanali Movistar, i cili paguan të drejtat për garën në fjalë”, thuhet në reagimin e La Ligës të nënshkruar nga presidenti Javier Tebas.

Për momentin, ende nuk dihet nëse Vinicius Jr do të duhet të paguajë një gjobë apo nëse do të marrë vetëm një paralajmërim.

ARTIKUJ TË NGJASHËMMË SHUMË NGA AUTORI