Atalanta ka shënuar tjetër fitore të thellë.
Të mërkurën mbrëma e mposhti Cesenan 6:1 dhe ka avancuar në çerekfinale të Kupës së Italisë.
Më 5 shkurt, Atalanta luan në udhëtim te Bologna në çerekfinale të garës.
Në pjesën e parë, skuadra ku luan Berat Gjimshiti, i shënoi katër gola.
Davide Zappacosta, Charles De Ketelaere me dy gola dhe Lazar Samargjiq, realizuan për 4:0 në pjesën e parë.
Marco Brescianini dhe Samargjiq shënuan për 6:0 në pjesën e dytë.
Golin e vetëm për Cesenan në minutën e 90-të e shënoi Joseph Ceesay. Cesena luan në kategorinë e dytë të futbollit italian.
Gjimshiti luajti deri në minutën e 64-t te vendësit.
