Pas disfatës që e pësoi në mesjavë në Ligën e Kampionëve nga Real Madridi, Atalanta shpreson që në Serie A të vazhdojë me fitore e ta ruajë pozitën e parë në tabelë.
Pas 15 xhirove, Atalanta udhëheq me 34 pikë. Dy pikë më pak ka skuadra e Napolit që është në pozitën e dytë. Me një ndeshje më pak të luajtur e me nga 31 pikë në vendin e tretë e të katërt janë Interi dhe Fiorentina. Edhe Lazio ka 31 pikë, por ka 15 ndeshje të zhvilluara.
Kapiteni i Shqipërisë, Berat Gjimshiti, dhe skuadra e tij Atalanta, të shtunën nga ora 15:00 luajnë në udhëtim te Cagliari.
Të shtunën në kuadër të xhiros së 16-të luan edhe Napoli me Udinesen. Kjo ndeshje luhet nga ora 18:00.
Amir Rrahmani me Napolin në dy ndeshjet e fundit në Kupë e në ligë pësuan disfatë nga Lazio.
Të shtunën nga ora 20:45 luhet edhe ndeshja Juventus – Venezia.
Të dielën luhen edhe pesë ndeshje të tjera. Nga ora 12:30 përballen Lecce me Monzan.
Dy ndeshje të tjera që fillojnë nga ora 15:00 janë Bologna – Fiorentina dhe Parma – Verona.
Como – Roma takohen nga ora 18:00, ndërsa ndeshja e fundit e fundjavës luhet të dielën ndërmjet Milanit dhe Genoas, që fillon nga ora 20:45.
Kryendeshja e xhiros së 16-të mbyllet të hënën me derbin Lazio – Inter, që nis nga ora 20:45.
