Në mëngjesin e së hënës skuadra e Atletico Madridit e ka mbajtur seancën e radhës stërvitore. Por në stërvitje nuk ishte grupi i futbollistëve i kompletuar.
“Mundo Deportivo”, ka raportuar se katër futbollistë i munguan Atleticos në stërvitje.
Conor Gallagher, Angel Correa, Thomas Lemar dhe Jose Maria Gimenez nuk ishin në dispozicion të trajnerit Diego Simeone.
Nuk është bërë e ditur ende arsyeja pse të katër futbollistët munguan në stërvitje.
Në stërvitje, Simeone është parë duke u kërkuar lojtarëve të tij saktësi dhe shpejtësi në pasimet e tyre.
Atletico është duke kaluar formë të mirë këtë edicion në La Liga.
Është në pozitën e parë me 41 pikë.
Ndeshjen e radhës, Atletico e ka më 4 janar me Marbellan në kuadër të Kupës së Spanjës.
