Barcelona e Real Madridi në mesjavë shënuan fitore në Ligën e Kampionëve.
Reali e mposhti Atalantan, kurse Barça triumfoi ndaj Borussia Dortmundin.
Ecurinë e fitoreve të dyja skuadrat shpresojnë ta vazhdojnë këtë fundjavë edhe në La Liga.
Në kuadër të xhiros së 17-të, Barcelona e pret Leganesin. Kjo ndeshje zhvillohet të dielën nga ora 21:00. Barça është lidere me 38 pikënë 17 ndeshje të luajtura, dy më shumë se Real Madridi që e ka një ndeshje më pak. Leganesi është në pozitën e 17-të me 15 pikë.
Skuadra e drejtuar nga trajneri Hansi Flick, në ndeshjen e kaluar në ligë barazoi 2:2 me Real Betisin. Këtë e shfrytëzuan madrilenët.
Të shtunën nga ora 21:00 Real Madridi do të jetë mysafir i Rayo Vallecanos.
Në vendin e tretë është Atletico Madridi me tri pikë më pak se Barcelona dhe me një ndeshje më pak të zhvilluar.
Atletico luan ndaj Getafes të dielën në orën 14:00.
Sulmuesi i Kosovës, Vedat Muriqi me Mallorcan, të shtunën nga ora 16:15 luajnë me Gironan.
