Interi do të luajë ndaj Comos të hënën nga ora 20:45 në ndeshjen e xhiros së 17-të të Serie A, por me shumë gjasë pa mesfushorin Nicolo Barella.
“Nerazzurrët” të enjten kanë konfirmuar se Barella ka lëndim të muskulit aduktor dhe nuk pritet të kthehet në fushën e lojës për ndeshjen e ardhshme në elitën italiane të futbollit.
Barella ka tri gola e dy asistime në 17 paraqitje përgjatë këtij sezoni, ndërsa kontrata i skadon në qershor të vitit 2029.
Interi është i treti në Serie A me 34 pikë, tri më pak se Atalanta, por me një ndeshje më pak të luajtur.
