Fabio Cannavaro mund të bëhet trajner i Dinamo Zagrebit, kanë raportuar mediume të ndryshme evropiane të dielën. Pjesë e gjigantit kroat të futbollit janë dy futbollistët shqiptarë, Arbër Hoxha dhe Arijan Ademi. Aktualisht trajner i Dinamos është kroati, Nenad Bjelica.
Cannavaro 51-vjeçar së fundi punoi tek Udinese, ndërsa ka drejtuar edhe disa skuadra tjera. Ai ka pasur karrierë të pasur si lojtar. Fituesi i Kupës së Botës me Italinë në vitin 2006 ka fituar edhe Topin e Artë. Epitetin e më të mirit e fitoi në vitin 2006.
Ka fituar trofe me Parmën, Juventusin dhe Real Madridin.
