Në dhjetë ndeshjet e fundit, Manchester City ka vetëm një fitore, ndërsa këndelljen e kërkon në fundjavë, në derbin e zjarrtë ndaj Manchester Unitedit.
Skuadra e drejtuar nga trajneri Pep Guardiola është në krizë të thellë të rezultateve.
Këtë moment jo të mirë të Cityt mund ta shfrytëzojë skuadra e Unitedit.
City të dielën nga ora 17:30 e luan derbin lokal me Unitedin.
Është edhe kryendeshja e xhiros së 16-të e Premier Leagues.
Ndërkohë edhe skuadra e drejtuar nga trajneri Ruben Amorim këtë edicion në elitën e futbollit anglez nuk ka pasur vazhdimësi të mirë të rezultateve.
City është kampion në fuqi i Anglisë, por deri tani ka grumbulluar vetëm 27 pikë dhe është në pozitën e katërt në tabelë.
Unitedi ka 19 pikë në vendin e 13-të.
Liverpooli udhëheq me 35 pikë. Liverpooli të shtunën nga ora 16:00 do të përballet me Fulhamin.
Të shtunën luhen të tjera ndeshje interesante. Arsenal – Everton, Newcastle United – Leicester City dhe Wolverhampton – Ipsëich Toën janë duelet e tjera në program të shtunën. Të gjitha nisin në orën 16:00. Ndërsa nga ora 18:30 të shtunën luhet ndeshja Nottingham Forest – Aston Villa.
Ndërkohë të dielën pos ndeshjes City – United luhen edhe tri ndeshje të tjera.
Nga ora 20:00 luhen ndeshjet Chelsea – Brentford dhe Southampton – Tottenham Hotspur. Nga ora 15:00, Brightoni takohet me Crystal Palacen.
Xhiroja mbyllet të hënën nga ora 21:00, me duelin Bournemouth – West Ham United.
