Ish-mesfushori i Chelseat, Oscar, është kthyer te Sao Paulo në Brazil dhe ka firmosur për tri vjet.
Oscar ka luajtur 48 ndeshje për Brazilin, nga viti 2011 deri në vitin 2016. Ai i kaloi tetë vjetët e fundit te Shanghai Port, duke fituar Superligën kineze tri herë.
“Jam i lumtur që kthehem në Brazil dhe që do të luaj për Sao Paulon, ku edhe kam nisur karrierën, ku kam krijuar bazën dhe ku jam rritur”, ka thënë 33-vjeçari.
Oscar i shënoi 38 gola në 203 paraqitje për Chelsean dhe fitoi Premier Leaguen, Kupën e Ligës dhe trofeun e Ligës së Evropës. Te klubi londinez ishte për katër vjet e gjysmë.
