Bayer Leverkuseni, që është kampion në fuqi i Bundesligës gjermane, do të luajë të shtunën në udhëtim tek Augsburgu nga ora 15:30.
Ndeshja i takon xhiros së 14-të të Bundesligës.
Leverkuseni ka lëshuar shumë pikë në edicionin aktual dhe zë vendin e tretë me 26 pikë. Por, ka ecuri prej gjashtë fitoreve të njëpasnjëshme në të gjitha garat.
Në Bundesligën gjermane udhëheqë Bayern Muncheni me 33 pikë.
Nga ora 15:30 të shtunën, bavarezët luajnë në udhëtim te Mainzi.
Të dielën luhen edhe dy ndeshje interesante.
Nga ora 17:30 Borussia Dortmundi e pret në shtëpi skuadrën e Hoffenheimit.
Dortmundi ka 21 pikë.
Hoffenheimi ka 13 pikë dhe është në vendin e 14-të.
Të dielën nga ora 19:30 zhvillohet edhe një tjetër ndeshje interesante mes RB Leipzigut dhe Eintracht Frankfurtit.
Frankfurti është në pozitën e dytë me 27 pikë.
Tri pikë më pak i ka Leipzigu.
