Edhe pse nga minuta e 17-të ishte me një futbollist më pak në fushë, skuadra e Liverpoolit të shtunën pasdite në shtëpi ka barazuar 2:2 me Fulhamin.
Ndeshja i takoi javës së 16-të të Premier Leagues.
Te Liverpooli me karton direkt të kuq u ndëshkua mbrojtësi i krahut, Andrew Robertson.
Mysafirët kaluan të parët në epërsi me golin që e realizoi Andreas Pereira në minutën e 11-të.
Cody Gakpo në minutën e 47-të i barazoi shifrat për vendësit.
Në minutën e 76-të Rodrigo Muniz realizoi për 2:1.
Golin e barazimit për 2:2 e realizoi Diogo Jota në minutën e 86-të.
Liverpooli është lider me 36 pikë.
Fulhami ka 24 pikë dhe është në mesin e tabelës.
