Muharrem Jashari është zgjedhur lojtari më i mirë i pjesës së parë të sezonit, te skuadra ukrainase LNZ Cherkasy.
Klubi ukrainas ka njoftuar të enjten se sipas votave të tifozëve, mesfushori i Kosovës ka marrë 47.7 për qind të votave.
Ai e ka mposhtur bindshëm në konkurrencë portierin Eugene Kucherenko dhe futbollistin e krahut, Vladyslav Naumets. Jashari që ka shtatë paraqitje me Kosovën e një gol të shënuar me “Dardanët”, në 18 ndeshjet e para të sezonit me Cherkasyn realizoi katër gola e kontribuoi me pesë asistime.
Cherkasy pas 17 ndeshjeve të luajtura në elitën e futbollit ukrainas ka 19 pikë dhe zë vendin e dhjetë.
