Fundjava në kampionatin francez do të jetë shumë interesante.
Derbi kryesor i xhiros së 15-të në Ligue 1 do të jetë ndërmjet Paris Saint-Germainit dhe Lyonit. Kjo ndeshje luhet të dielën nga ora 20:45.
PSG-ja është skuadra e vetme në këtë edicion që nuk ka pësuar disfatë në Francë. Është lidere me 34 pikë.
Lyoni ka 25 pikë dhe është në vendin e pestë.
Të shtunën do të luhet edhe një derbi tjetër.
Nga ora 17:00 luhet ndeshja Marseille – Lille.
Skuadra e Edon Zhegrovës, Lille, ka 26 pikë dhe është në pozitën e katërt.
Marseille ka tri pikë më shumë dhe është në vendin e dytë.
