Kanë përfunduar dy ndeshjet e sotme të javës së 16-të në Superligën e futbollit të Kosovës.
Kampioni në fuqi, Ballkani është ndalur me barazim 1-1 si mysafire e Ferizajit, ndërsa Malisheva barazoi 0-0 me Feronikelin ’74,.
Drita vazhdon të jetë lider i Superligës me 37 pikë, i ndjekur nga Malisheva me 29 pikë, ndërsa Ballkani ndodhet në pozitën e tretë me 27 sosh.
Në tre pozitat e fundit renditen, Ferizaji dhe Dukagjini me nga 17 pikë, ndërsa Feronikeli ’74 është e fundit në tabelë, me 7 pikë.
