Njerëzit mbetën të hutuar ndërsa Donald Trump iu drejtua fansave përpara ceremonisë zyrtare të shortit të Kupës së Botës për Klube në Miami.
Presidenti i sapozgjedhur i SHBA-së nisi ceremoninë e Kupës së Botës për Klube të enjten teksa u dha një video mesazh fansave përpara garës së ridizajnuar të vitit të ardhshëm.
“Emri i tij është Gianni. Ai është Presidenti dhe unë jam Presidenti,” deklaroi Trump, përpara se të fliste për turneun.
78-vjeçari tha gjithashtu se shpreson të marrë pjesë në Kupën e Botës për Klube, me Miamin që do të jetë nikoqir i ndeshjes së parë të kompeticionit.
Paraqitja e Trump ka mahnitur fansat në rrjetet sociale.
Një përdorues X shkroi: “Nuk ka mundësi që Donald Trump të mbajë një fjalim në shortin e Kupës së Botës për Klube???”.
Një postim i dytë në X: “Donald Trump duke mbajtur një fjalim në shortin e Kupës së Botës për Klube, duhet ta kishim parashikuar këtë idiotësi”.
Një i tretë shtoi: “Të shikosh Donald Trump duke folur në shortin e Kupës së Botës për Klube të FIFA-s është diçka që nuk shkon”.
