Në ndeshjen e xhiros së 15-të të “Euroleagues” në basketboll ndërmjet Alba Berlinit dhe Partizanit të Beogradit, janë shfaqur sërish flamujt e panot anti-Kosovë.
Huliganët e skuadrës nga kryeqendra serbe kanë shfaqur flamujt e Serbisë mbi hartën e Kosovës, ndërsa në pano shkruhet “Kosova është Serbi”.
Ndeshja Alba Berlin – Partizan është duke u zhvilluar.
Çerekun e parë e ka fituar skuadra serbe, 30:28.
“Euroleague” të mërkurën pasdite e gjobiti skuadrën serbe me 34 mijë euro për shkak të trazirave që kanë shkaktuar ata në xhiron e 14-të, në ndeshjen ndaj Panathinaikosit të Athinës.
