Manchester City të dielen pasdite është kthyer te fitorja.
Skuadra e drejtuar nga trajneri, Pep Guardiola, ka fituar ndaj Leicester Cityt me rezultatin 2:0. Kjo ndeshje i takoi javës së 19-të të Premier Leagues.
Për Cityn kjo ishte fitorja e dytë në 14 ndeshjet e fundit.
Ka nëntë disfata dhe tri barazime.
Fitorja e fundit ishte më 4 dhjetor ndaj Nottingham Forestit.
Savinho në minutën e 21-të shënoi për 1:0.
Për brazilianin Savinho ishte goli i parë i shënuar me fanellën e Cityt.
Goli i dytë u realizua nga Erling Haaland në minutën e 74-t.
City ka lëshuar shumë pikë gjatë ndeshjeve të fundit.
Ka 31 pikë dhe është në zonën që siguron garat evropiane për edicionin e ardhshëm.
Leicesteri ka 18 pikë dhe po lufton për mbetje në ligë.
