David Alaba është kthyer në stërvitje te Real Madridi pas lëndimit të rëndë që e la jashtë fushave për kohë të gjatë.
Mbrojtësi austriak nuk ka luajtur që nga 18 dhjetori i vitit 2023.
Që atëherë, Alaba i ka munguar Realit në 59 ndeshje.
Alaba kishte një lëndim të rëndë në gju dhe i është nënshtruar dy operacioneve.
Kthimi i Alabas në stërvitje është një lajm pozitiv pasi Reali është duke u përballur me lëndime të shumta në fazën defensive.
Jesus Vallejo, Jacobo Ramon, Eder Militao, Dani Carvajal dhe Lucas Vazquez janë mbrojtësit në të cilët nuk mund të llogarisë trajneri i Realit, Carlo Ancelotti.
