Futbollisti i Liverpoolit dhe Italisë, Federico Chiesa, mund të transferohet te Napoli nëse Kvicha Kvaratskhelia largohet nga napolitanët drejt Paris Saint-Germainit.
“Footmercato” ka raportuar javën e kaluar se Napoli është afër që ta transferojë Chiesan nga Liverpooli.
Chiesa ka pasur telashe të shumta me lëndime në gjashtë muajt e kaluar te Liverpooli dhe largimi në janar është i mundur.
Trajneri Antonio Conte e admiron lojën e Chiesas, të cilin kishte kërkuar ta transferonte edhe në afatin kalimtar të verës.
Chiesa në katër paraqitjet e edicionit aktual në të gjitha garat e ka vetëm një asistim.
