Bayer Leverkuseni e ka fituar derbin ndaj Borussia Dortmundit si mysafir me rezultatin 3:2.
Ndeshja u luajt të premten në mbrëmje dhe i takoi javës së 16-të të Bundesligës gjermane.
Nathan Tella i kaloi në epërsi mysafirët në minutën e parë të ndeshjes.
Shtatë minuta më pas, Patrik Schick i dyfishoi shifrat për Leverkusenin.
Dortmundi në minutën e 12-të e ngushtoi rezultatin.
Jamie Gittens shënoi për 2:1.
Schick në minutën e 19-të realizoi për 3:1 në të mirë të mysafirëve.
Serhou Guirassy në minutën e 79-të realizoi për 3:2 nga penalltia, por goli i tij nuk mjaftoi pasi Leverkuseni në fund arriti që t’i sigurojë tre pikë shumë të vlefshme.
Granit Xhaka e kompletoi ndeshjen te mysafirët.
Leverkuseni ka 35 pikë dhe është në vendin e dytë.
Bayern Muencheni është lider me një pikë më shumë.
Dortmundi ka 24 pikë dhe renditet në pozitën e gjashtë.
