Sulmuesi i Kosovës, Vedat Muriqi, i ka munguar skuadrës së Mallorcas në stërvitjen e së martës.
Kështu ka raportuar mediumi spanjoll “Mundo Deportivo”.
Në stërvitje skuadrës së Mallorcas i mungoi edhe Manu Morlanes.
Muriqi, për shkak të ftohjes nuk ka mundur që të stërvitet me pjesën tjetër të grupit dhe ka qëndruar në shtëpi për ta vazhduar shërimin.
30-vjeçari pritet të jetë i gatshëm për ndeshjen e ardhshme ndaj Villarrealit.
Mallorca të hënën e ardhshme nga ora 21:00 do të jetë mysafire e Villarrealit në ndeshjen e vlefshme për javën e 20-të të La Ligas.
Mallorca u eliminua në gjysmëfinale të Superkupës së Spanjës nga Real Madridi.
