Napoli ka dalë në vendin e parë të elitës së futbollit italian pas fitores ndaj Fiorentinas.
Skuadra e drejtuar nga trajneri Antonio Conte të shtunën në mbrëmje në udhëtim fitoi ndaj Fiorentinas me rezultatin e thellë 3:0.
Kjo ndeshje i takoi javës së 19-të të Serie A.
Një gol u shënua në pjesën e parë kurse dy të tjerë në pjesën e dytë.
David Neres në minutën e 29-të realizoi për 1:0.
Romelu Lukaku ishte i saktë nga pika e bardhë për 2:0.
Goli i tretë e që ishte edhe i fundit në ndeshje u shënua nga Scott McTominay.
Kapiteni i Kosovës, Amir Rrahmani, e kompletoi ndeshjen te mysafirët.
Fiorentinas iu anulua një gol në minutën e 35-të për shkak të prekjes me dorë të sulmuesit italian, Moise Kean.
Napoli pas 19 ndeshjeve ka 44 pikë.
Atalanta ka tri pikë më pak dhe është në vendin e dytë.
Por Atalanta këtë fundjavë nuk luan ndeshje kampionale për shkak të angazhimeve që i pati në Superkupën e Italisë, që po zhvillohet në Arabinë Saudite.
Atalanta u mposht në gjysmëfinale me rezultatin 2:0 nga Interi.
