Legjenda e Manchester Unitedit, Paul Scholes, është i shqetësuar për formën e mesfushorit të talentuar anglez, Kobbie Mainoo.
Scholes ka thënë se situata e Mainoos është shqetësuese për shkak se ai po lodhet shumë dhe nuk po luan deri në përfundimin e ndeshjes.
“Mainoo lodhet shumë. Situata me këmbët e tij duhet të jetë një shqetësim. Ai nuk i përfundon shumë ndeshje”, ka thënë Scholes, shkruan të martën “Daily Mail”.
19-vjeçari Mainoo është përballur me një lëndim muskulor në fillimin e këtij edicioni. Ai është shumë i rëndësishëm për Unitedin. Pjesë e skuadrës së parë është nga viti 2023. Këtë edicion ka luajtur në 17 ndeshje në të gjitha garat.
Me Unitedin, Mainoo ka kontratë deri në verën e vitit 2027.
