Cristiano Ronaldo e ka shënuar golin e parë të vitit 2025 dhe të dytin për Al Nassrin që të enjten mbrëma e mposhti Al Okhdoodin në elitën e futbollit të Arabisë Saudite.
Al Nassr fitoi 3:1 në ndeshjen e xhiros së 14-të.
Godwin Saviour shënoi për mysafirët, ndërsa rezultatin në 1:1 e vendosi Sadio Mane në minutën e 29-të.
Por tre minuta pa u mbyllur pjesa e parë, Ronaldo shënoi për 2:1. Superylli portugez realizoi nga penalltia.
Për Ronaldon ishte goli i 11-të në edicionin aktual në Arabinë Saudite.
Në vitin 2024, ai shënoi 36 gola për Al Nassrin në 39 paraqitje.
Rekordin e përgjithshëm e vazhdon në 917 gola të shënuar në karrierën e tij si profesionist.
Në muajin shkurt, Ronaldo do ta festojë ditëlindjen e 40-të.
Golin e tretë dhe të fundit në ndeshje, Sane e shënoi në minutën e 88-të.
Al Nassr pas 14 ndeshjeve të luajtura ka 28 pikë në vendin e tretë, aq sa ka edhe Al Qadisiya me një ndeshje më pak të luajtur.
Lider është Al Ittihadi me 36 pikë në 13 ndeshje, dy më shumë se Al Hilali.
