Rezultatet negative në ndeshjet e fundit kanë bërë që drejtuesit e Milanit ta mendojnë shkarkimin e trajnerit, Sergio Conceiçao.
Milani në gjashtë ndeshjet e fundit në ligë ka katër humbje dhe dy fitore.
“Kuqezinjtë” pas 30 ndeshjeve të zhvilluara në Serie A kanë 47 pikë dhe renditen në pozitën e nëntë.
Të hënën “Mundo Deportivo” ka raportuar se portugezi Conceiçao nuk pritet të vazhdojë me Milanin në edicionin e ardhshëm. Ai mund të largohet në verë nga gjiganti italian.
Milani është eliminuar nga Liga e Kampionëve, ndërsa është në gjysmëfinale të Kupës së Italisë.
50-vjeçari Conceiçao me Milanin ka fituar Superkupën e Italisë.
