Portieri Diant Ramaj ishte transferimi i Borussia Dortmundit në afatin kalimtar të dimrit. Ramaj u ble për 5 milionë euro nga Ajaxi dhe menjëherë u dërgua në huazim te Copenhageni për të fituar eksperiencë.
23-vjeçari shpreson që pas paraqitjeve të mira me Copenhagenin në kampionatin elimtar të Danimarkës, ta fitojë vendin e titullarit edhe te Dortmundi.
“Fillimisht duhet thënë se Dortmundi është klub i madh dhe nuk është e lehtë t’i thuhet jo një mundësie të tillë. Dua që të luajë sa më shumë te Copenhageni, të paraqitem mirë e më pas të shikojë para”, ka deklaruar Ramaj, shkruan të mërkurën “Sport Bild” i Gjermanisë.
Portieri Ramaj synon që në të ardhmen të jetë titullar te Dortmundi, para portierit aktual Gregor Kobel. Kobel në verë pritet që të transferohet te Chelsea.
Të jem numri një në portë do të ishte sukses. Nëse dëshiron të bëhesh i suksesshëm, duhet që gjitha gjërat t’i bësh ashtu siç duhet”, ka shpjeguar Ramaj.
Ramaj karrierën e ka nisur te të rinjtë e Stuttgartit, ndërsa ka luajtur edhe te Heidenheimi e Eintracht Frankfruti.
Ka paraqitje edhe për grupmoshat U18, U19 e U20 të Gjermanisë.
Ramaj ka prejardhje nga Kosova.
