Skuadra e Prishtinës është kthyer te fitorja pas një kohe të gjatë.
Fitorja e fundit e Prishtinës në Superligën e Kosovës në futboll ishte më 1 dhjetor të vitit të kaluar ndaj Dukagjinit.
Prishtina të premten mbrëma e mposhti në shtëpi Feronikelin 74 me rezultatin 2:1.
Kjo ndeshje i takoi javës së 26-të të elitës së futbollit kosovar.
Mysafirët kaluan të parët në epërsi me golin që e shënoi Suhejlj Muharem në minutën e 37-të.
Vendësit shifrat i barazuan në minutën e parë shtesë të pjesës së parë.
Për 1:1 shënoi Leotrim Kryeziu.
Golin e fitores për Prishtinën e shënoi Ron Raqi në minutën e 92-të.
Prishtina ka 35 pikë në vendin e katërt.
Feronikeli 74 mbetet në pozitën e fundit me 14 pikë.
