Franca, Gjermania dhe Portugalia janë kundërshtaret e kombëtares U17 të Shqipërisë në Evropianin “Shqipëria 2025” në futboll. Shorti për Evropianin e kësaj grupmoshe u tërhoq të hënën në “Shtëpinë e Futbollit” në Tiranë. Turneu final i Evropiani U17 do të zhvillohet nga 19 maji deri më 1 qershor, ndërsa Shqipëria është në Grupin A. Në Grupin B janë Italia, Belgjika, Anglia dhe Çekia.
Shqipëria do të luajë ndeshjen hapëse të Evropianit U17 ndaj Portugalisë më 19 maj në “Arenën Kombëtare” në Tiranë. Në “Arenën Kombëtare” do të luhet edhe finalja më 1 qershor. Do të luhen ndeshje edhe në “Elbasan Arena” në Elbasan, “Arena Egnatia” në Rrogozhinë dhe “Niko Dovana” në Durrës.
