Portieri gjerman, Marc-Andre ter Stegen, është kthyer në stërvitje te skuadra e Barcelonës të hënën.
“Mundo Deportivo” raportoi se Ter Stegeni nuk e përfundoi seancën e plotë me bashkëlojtarët por vazhdoi me stërvitje individuale.
Ter Stegen e këputi ligamentin kryqëzor të gjurit më 22 shtator të vitit të kaluar në ndeshjen ndaj Villarrealit.
Gjermani më pas iu nënshtrua një operimi dhe deri më tani i ka munguar Barçës në 50 ndeshje.
Mësohet se 32-vjeçari Ter Stegen pritet të kthehet në portën e gjigantit katalunas në fund të muajit të ardhshëm.
Aktualisht portieri i parë i Barçës është Wojciech Szczesny.
Polaku Szczesny u kthye nga pensionimi për ta zëvendësuarin Ter Stegenin deri në përfundimin e këtij edicioni.
Në ndeshjet që ka startuar 34-vjeçari Szczesny, Barça ende nuk është mposhtur.
Ter Stegen me Barçën ka kontratë deri në verën e vitit 2028.
