Futbollistet e Përfaqësueses U19 të Kosovës të martën kanë shënuar fitore shumë të thellë ndaj Maltës me rezultatin 6:0.
Kjo ishte ndeshja e parë e zhvilluar në kuadër të raundit të dytë të Ligës B.
Kosova U19 është në Grupin B3 së bashku me Letoninë, Kazakistanin dhe Maltën.
Ndeshjet e këtij grupi do të zhvillohen në Maltë nga 1 deri më 7 prill.
Ekipet e para nga gjashtë grupet kualifikuese dhe ekipi i dytë më i mirë nga Liga B do të promovohen në Ligën A për raundin e parë të kualifikimeve për edicionin e ardhshëm.
Në fitoren e thellë të Kosovës U19, Elona Paci, realizoi “hat-trick”.
Fillimisht Paci e realizoi golin e parë në minutën e 21-të.
Goli i dytë u shënua nga Olsa Maqastena në minutën e 39-të. Tre minuta më pas, Paci e realizoi golin e dytë personal dhe të tretin në ndeshje.
Riga Kallaba shënoi për 4:0 në minutën e 57-të.
17-vjeçarja Paci “hat-trickun” e kompletoi në minutën e 70-të. Ajo realizoi për 5:0.
Besjana Zogaj e shënoi golin përfundimtar në minutën e 89-të.
