Mbrojtësi italian, Federico Gatti, do të jetë jashtë fushës për një muaj.
Gatti u lëndua të shtunën në fitoren e Juventusit 1:0 ndaj Genoas, ndeshje që ishte e vlefshme për javën e 30-të të Serie A.
Gatti u detyrua të zëvendësohej në minutën e 27-të me Pierre Kalulun.
Për Juventusin lëndimi i Gattit nuk është lajm i mirë.
“Zonja e Vjetër” këtë edicion po përballet me lëndime të shpeshta.
Aktualisht të lënduar janë edhe Gleison Bremer, Juan Cabal, Andrea Cambiaso, Douglas Luiz dhe Arkadiusz Milik.
Juve së fundi e ndërroi edhe trajnerin. Ditë më parë e shkarkoi teknikun brazilian, Thiago Motta dhe në vend të tij erdhi Igor Tudor.
26-vjeçari Gatti këtë edicion ka luajtur në 40 ndeshje.
