Mediumet në Itali të enjten kanë bërë të ditur se Roma e ka kontaktuar Massimiliano Allegrin, për mundësinë e drejtimit të skuadrës për edicionin tjetër.
Ish-trajneri i Juventusit aktualisht është i lirë, ndërsa shihet si zëvendësuesi ideal për trajnerin Claudio Ranieri që do të largohet në fund të edicionit.
Ranieri u kthye nga pensionimi për ta drejtuar Romën si trajner i përkohshëm. 73-vjeçari pas përfundimit të sezonit do të ketë rol drejtori te skuadra e njohur italiane.
Opsion për drejtimin e Romës në edicionin 2025/26 është edhe Stefano Pioli.
Pioli për momentin është trajner i Al Nassr në elitën e futbollit të Arabisë Saudite.
