Shqipëria ka fituar thellë ndaj Kroacisë në ndeshjen e tretë të Grupit 4 të Ligës së Kombeve.
Futbollistet e Shqipërisë i mposhtën ato të Kroacisë me rezultatin 4:0 në ndeshjen që u zhvillua në stadiumin “Loro Boriçi” të Shkodrës.
Ishte fitorja e parë e Shqipërisë në grup, krahas dy humbjeve. Kroacia e pësoi disfatën e tretë.
Fortesa Berisha dhe Alma Hila shënuan në pjesën e parë, ndërsa golat në pjesën e dytë i realizuan Megi Doçi dhe Klea Hamonikaj.
Kroacia nga minuta e 66-të luajti pa mbrojtësen Janja Çanjevac.
Fituesit e katër grupeve sa janë në total avancojnë direkt në Ligën A.
Ndërkohë, katër vendet e dyta nëpër grupe do të luajnë në plejof ndaj vendeve të treta të Ligës A.
Fituesit më pas mbesin apo promovohen në Ligën A. Humbësit e atyre dueleve bien në Ligën B.
