PSV Eindhoveni ka vazhduar dominimin në kampionatin e Holandës në futboll.
PSV-ja e siguroi titullin e kampionit, të tretin rresht, të dielën – pesë xhiro pa përfunduar kampionati. Gara për titull përfundoi pasi Feyenoordi dështoi të fitojë ndaj Volendamit. PSV-ja ka epërsi prej 17 pikëve, që tashmë është e paarritshme.
Për PSV-në është titulli i 27-të i kampionit të Holandës në histori. Më së shumti ka Ajaxi me 36.
PSV-ja fitoi 4:3 ndaj Utrechtit dhe e priste rezultatin e ndeshjes së Feyenoordit për të nisur festën.
