Shkodran Mustafi është ndër emrat që është duke qarkulluar në mediet spanjolle se mund të transferohet në Barcelonë, shkruan VAR Kosova.
Sipas gazetës spanjolle “Mundo Deportivo” Mustafi është një nga tre emrat e mundshëm që mund të transferohen nga klubi kataluanas gjatë afatit kalimtar të janarit.
Mustafi këtë sezon është përballur me lëndime të shumta, të cilat kanë bërë që të mos jetë titullar në formacionin e Arsenalit.
Mbrojtësi shqiptar është në vitin e fundit të kontratës dhe ende nuk ka pranuar ofertë të re nga klubi londinez, një fakt që shtyn Barcelonën të interesohet për shërbimet e tij.
Ylli shqiptar në Arsenal ishte transferuar nga klubi spanjoll Valencia me kërkesën e ish trajnerit francez, Arsene Wenger.
Mustafi gjatë karrierës ka qenë pjesë edhe e Evertonit dhe Sampdorias. /VAR Kosova/
