Një fans i Liverpoolit ka nisur një GoFundMe për transferimin e yllit të PSG-ës, Kylian Mbappe, transmeton VAR Kosova.
Liverpooli është duke kaluar nëpër një moment të vështirë, më të rëndin që nga koha e emërimit të Jurgen Klopp si trajner i “The Reds” pesë vite më parë, ku momentalisht gjenden në pozitën e 7-të në Premier Ligë.
Por një fans i Liverpoolit ka nisur punën për transferimin e kampionit të botës me Francën, Kylian Mbappe, transfer i cili padyshim se do ta ngriste Liverpoolin në maje të futbollit anglez.
Deri tani, ai ka mbledhur 65 funte, teksa vlera e lojtarit besohet të jetë rreth 250 milionë euro. Një fillim i vështirë, por jo i pamundur teksa kanë mbetur edhe £249,999,935 për tu mbledhur.
