Arsenali ka shënuar fitore të madhe në ndeshjen e parë në udhëtim te Olympiacosi, në kuadër të 1/8 së finales në Ligën e Evropës.
Londinezët triumfuan 1:3 ndaj grekëve në “Georgis Karaiskakis Stadium”.
Ishte Odegaard ai që hapi serinë e golave në minutën e 34-të me një super-gol.
El Arabi barazoi shifrat në minutën e 58-të të takimit.
Por, “Topçinjtë” nuk u dorëzuan dhe në minutën e 79-të e rikthyen avantazhin me Gabriel.
Kurse për golin e tretë dhe të fundit për këtë përballje e realizoi Elneny pesë minuta pa përfunduar koha e rregullt.
Mesfushori shqiptar, Granit Xhaka luajti për gjatë gjithë ndeshjes.
