Gabriel Jesus ka shënuar “hat-trick” në fitoren e Arsenalit me rikthim të rezultatit ndaj Crystal Palaces.
Arsenali fitoi 3:2 të mërkurën mbrëma dhe ka kaluar në gjysmëfinale të “Carabao Cup”.
Jean-Philippe Mateta shënoi në minutën e katërt për epërsinë e mysafirëve.
Jesus më pas shënoi tri herë për 3:1, në minutën e 54-t, të 73-të dhe të 81-të.
Eddie Nketiah realizoi në minutën e 85-të për 3:2, por skuadra e Crystal Palaces nuk arriti të bënte diçka më shumë.
Nketiah është ish-lojtar i Arsenalit.
Newcastle ndërkohë fitoi 3:1 ndaj Brentfordit.
Sandro Tonali shënoi dy gola në pjesën e parë, ndërsa Fabian Schar realizoi për 3:0 në minutën e 69-të.
Yoane Wissa e realizoi golin e vetëm për Brentfordin.
