Ipswichi nuk e ka ruajtur epërsinë që e krijoi dy herë dhe ka marrë vetëm një pikë nga udhëtimi te Fulhami, në ndeshjen ku u shënuan tri penallti.
Të dielën në kuadër të xhiros së 20-të të Premier Leagues angleze, Ipswichi barazoi në udhëtim 2:2.
Portieri i Kosovës, Arijanet Muriq, për ndeshjen e dytë rresht është lënë në bankën rezervë tek Ipswichi, ndonëse për gjithë edicionin ishte i padiskutueshëm në formacionin titullar.
Sammie Szmodics në minutën e 38-të i kaloi mysafirët në epërsi, ndërsa shifrat në 1:1 i barazoi Raul Jimenez, në minutën e 69-të.
Nga penalltia, njësoj si Jimenez, shënoi edhe Liam Delap i Ipswichit.
Jimenez ishte i saktë edhe një herë tjetër nga 11 metra në minutën e 91-të dhe e vendosi rezultatin përfundimtar, 2:2.
Ipswichi vazhdon luftën e madhe për mbetje në elitë.
Aktualisht ka 16 pikë në vendin e 18-të, që nuk e siguron mbijetesën.
Ndërkohë, Fulhami ka 30 pikë në vendin e nëntë.
