Pjesa e parë e ndeshjes mes Atalantës dhe Napolit në Bergamo përfundoi me rezultatin 1-2 në favor të skuadrës mysafire. Ishte një fillim emocionues ku të dy skuadrat treguan dëshirë për sulm dhe lojë dinamike.
Atalanta kaloi e para në avantazh në minutën e 16-të me një gol nga Mateo Retegui, duke shfrytëzuar një moment të mirë në zonë. Megjithatë, Napoli reagoi shpejt dhe arriti të barazonte në minutën e 27-të me një finalizim fantastik të Matteo Politano. Pjesa e parë u përmbyll me një tjetër moment vendimtar, kur Scott McTominay shënoi në minutën e 40-të pas një pasimi të saktë nga André-Frank Zambo Anguissa, duke i dhënë epërsinë skuadrës mysafire.
Pjesa e parë u karakterizua nga ritmi i lartë dhe një karton i verdhë i akorduar për David Neres në minutën e 42-të. Napoli u tregua më efektiv, duke u futur në dhomat e zhveshjes me një avantazh të ngushtë, ndërsa Atalanta mbetet me shpresën për të rikthyer ndeshjen në pjesën e dytë.
