Heung-min Son ka shënuar dy gola në fitoren shumë të mundimshme të Tottenhamit në Ligën e Evropës, në udhëtim te Hoffenheimi i Bundesligës gjermane.
Skuadra e Premier Leagues të enjten mbrëma fitoi 3:2 në kuadër të xhiros së shtatë.
Ka bërë hap të madh drejt avancimit në 1/8 e finales së kësaj gare, ndërsa Hoffenheimi rrezikon eliminimin.
Tottenhaim ka 14 pikë, kurse Hoffenheimi ka mbledhur vetëm gjashtë.
James Maddison në minutën e tretë dhe Son në minutën e 22-të, shënuan për 2:0 në të mirë të mysafirëve.
Anton Stach e ngushtoi rezultatin në 2:1 në minutën e 68-të, ndërsa Son në minutën e 77-të realizoi për 3:1.
Vendësit realizuan edhe me sulmuesin David Mokwa Ntusu, por pa arritur të marrin një pikë nga ky ballafaqim.
