Superylli brazilian, Neymar, po shkëlqen te Santosi.
Të dielën mbrëma realizoi gol me goditje nga korneri dhe bëri dy asistime në fitoren 3:0 të Santosit ndaj Inter de Limeira. Ndeshja i takoi xhiros së 12-të të kampionatit “Paulista”.
Në gjashtë paraqitje për Santosin, Neymari ka dy gola e tri asistime.
Kthimi në formë i Neymarit është i rëndësishëm edhe për tifozët braziliani. Ata presin që 33-vjeçari ta udhëheqë përfaqësuesen në Kampionatin Botëror të vitit të ardhshëm.
