Meriton Korenica e ka regjistruar golin e tretë këtë edicion në elitën e futbollit rumun.
Korenica shënoi gol në barazimin 1:1 të Clujit ndaj skuadrës Metaloglobus Bucharest. Ndeshja i takoi xhiros së nëntë.
Reprezentuesi i Kosovës nga penalltia në minutën e 37-të shënoi për 1:1.
Ai kishte mundësinë që krejt në fund të pjesës së parë ta kalonte në epërsi Clujin po nga penalltia por nuk u tregua i saktë.
28-vjeçari Korenica luajti deri në minutën e 81-të kurse Lindon Emërllahu deri në minutën e 87-të.
Korenica krahas tri golave ka edhe gjashtë asistime.
