Silvio Baldini do të jetë trajner i përkohshëm i Italisë për miqësoret e muajit qershor. Baldini është edhe përzgjedhës i Italisë U21.
Federata italiane e futbollit të premten njoftoi për emërimin e Baldinit si përzgjedhës të përkohshëm.
Gennaro Gattuso dha dorëheqje pasi Italia dështoi të kualifikohej në Kupën e Botës, duke u mposhtur në finale të plejofit nga Bosnjë-Hercegovina.
Italia luan ndaj Luksemburgut më 3 qershor dhe ndaj Greqisë katër ditë më pas.
Përzgjedhësi i ri i Italisë pritet të caktohet pasi të mbahen zgjedhjet e federatës, të caktuara për 22 qershor. Edhe presidenti i federatës italiane, Gabriele Gravina, ka dhënë dorëheqje pas dështimit për kualifikim në Botëror.
