Pas largimit nga LA Galaxy, Zlatan Ibrahimovic, kishte postuar një video në rrjetet sociale, duke bërë të ditur se do të transferohej në La Liga.
Mirëpo, ka pasur raportime të ndryshme për interesimin e shumë skuadrave për transferimin e tij.
Njëra nga këto skuadra ishte edhe Tottenham, sidomos pas emërimit trajner të Jose Mourinho.
Por portugezi ka mohuar zërat për transferimin e suedezit, duke thënë se nuk ka shanse që Zlatan të jetë sulmues i Spurs.
“Nuk ka shanse. Ne kemi sulmuesin më të mirë në Angli”, ka thënë Mourinho duke aluduar në anglezin Harry Kane.
“Nuk ka kuptim që një sulmues si Zlatan Ibrahimovic, të vijë në klub, kur ne kemi Harry Kane”, ka thënë Mourinho.
