Federata e Futbollit e Spanjës ka marrë vendim se kush duhet t’i zë vendet në kupat evropiane në rast se sezoni i La Ligës nuk mund të përfundohet.
Në rast se nuk do të përfundohet edicioni në La Liga, Federata Spanjolle ka propozuar që katër vendet në Ligën e Kampionëve do të shkojnë te klubet sipas renditjes aktuale – Barcelona, Real Madridi, Sevilla e Real Sociedadi.
Pjesë e Sociedadit është Adnan Januzaj.
Kjo do të nënkuptonte se Atletico Madridi e Getafe do të vazhdojnë në Ligën e Evropës. Athletic Bilbao po ashtu do të kishte një vend në Ligën e Evropës, pasi ka arritur në finale të Kupës së Spanjës.
Kurse në rast se luhet finalja e Kupës së Spanjës dhe Bilbao pëson nga Sociedadi, atëherë vendi në Ligën e Evropës do të shkojë te Valencia.
