Ish-trajneri i Manchester United, Sir Alex Ferguson, në autobiografinë e tij të botuar në vitin 2013, kishte folur për kapitenin legjendar të Lipveroolit, Steven Gerrard.
“Unë jam ndër të paktë njerëz që mendoja se Gerrard nuk ishte një lojtar i klasit të lartë”, shkruan në librin e njeriut që bëri në shumë në futbollin anglez dhe evropian.
Protagonisti i kësaj fjalie, Steven Gerrard e ka komentuar këtë mendim të Ferguson për të.
Ai për BT Sport, ka thënë se ‘ka bërë gjumë të mirë’ edhe pasi e ka lexuar këtë deklaratë.
Gerrard ka zbuluar se Fergie kishte bërë përpjekje për ta çuar atë në Manchester United.
Madje, Gerrard edhe ishte provuar te Manchester United.
“Kur isha 13-vjeç mora një letër nga ta dhe dëshironin të nënshkruaja një kontratë 7-vjeçare me ta”, ka treguar Gerrard.
“Ai përsëri u përpoq të më merrte në ekipin e tij në fillim të sezonit 2002/03, por unë padyshim refuzova. Kështu që nuk mund ta marr afër zemrës deklaratën e tij”, ka thënë Gerrard.
Ai ka thënë se është një fans i Alex Ferguson dhe se e vlerëson shumë lojën e tij dhe se është një trajner i madh.
Sipas tij, kjo ka bërë që të shiten shumë kopje të librit që në javën e parë.
“Kur i lexova reagimin në gazeta, që citoni librin ku ai kishte thënë që unë nuk jam top lojtar, u befasova. Por nuk është që nuk munda të flej i qetë. Të gjithë kanë të drejtë të kenë mendimin e tyre”, ka thënë Gerrard.
