Njoftimi i Lionel Messit se do të largohet nga Barcelona ka tronditur botën e futbollit.
Por më të tronditurit janë tifozët e Barcelonës që duket se nuk e kanë menduar ndonjëherë se 6 herë futbollisti më i mirë në botë do të largohej nga klubi katalunas.
B/R Football ka shkrepur disa fotografi sot ku shihet një fëmijë duke pritur ardhjen e Lionel Messit në seancën stërvitore para sezonale të klubit të Barcelonës.
Ai shihet i vetmuar dhe duke vuajtur që idoli i tij nuk po shfaqej në stërvitje. Në reagimet e tij, duket se ai e ka kuptuar që nuk do ta shohë më atë me fanellën e klubit të tij të preferuar.
Messi ka njoftuar se do të largohet nga Barcelona në këtë afat kalimtar. Klube si Manchester City, PSG e Interi janë vënë pas tij.
Së fundi kanë filluar të shfaqen edhe probleme rreth vendimit të bordit të klubit që nuk dëshirojnë ta lejojnë Messin të largohet pa u paguar klauzola e tij që kap shifrën prej 700 milionë euro, shumë kjo që vështirë se do të paguhet nga ndonjë klub tjetër./VAR Kosova/
